Cemeg (TAR Uwchradd - Graddedigion yn unig) (Taught)

Mae ein cwrs TAR Uwchradd mewn Cemeg wedi’i gynllunio i ysgogi angerdd am wyddoniaeth yn yr ystafell ddosbarth a’ch paratoi ar gyfer gyrfa lwyddiannus fel athro cemeg.

Mae’r rhaglen Addysg Gychwynnol i Athrawon (AGA) hon yn arwain at Statws Athro Cymwysedig (SAC) ac yn rhoi’r sgiliau i chi addysgu cemeg ar lefel uwchradd, gan gynnwys TGAU a Safon Uwch.

Trwy gyfuniad o ddysgu yn y brifysgol a lleoliadau ysgol, byddwch yn archwilio dulliau addysgu arloesol sy’n gwneud cemeg yn hygyrch ac yn ddiddorol. Byddwch yn ymdrin â meysydd allweddol y pwnc, o adweithiau cemegol a’r tabl cyfnodol i bynciau mwy datblygedig fel cemeg organig a ffisegol.

Bydd lleoliadau gwaith mewn amrywiaeth o ysgolion, gan gynnwys lleoliadau trefol, gwledig, a chyfrwng Cymraeg, yn rhoi profiad addysgu gwerthfawr i chi mewn gwahanol amgylcheddau. Bydd y lleoliadau hyn yn eich helpu i ddatblygu eich hyder yn yr ystafell ddosbarth ac yn rhoi cyfle i chi ddefnyddio eich gwybodaeth ddamcaniaethol mewn sefyllfaoedd ymarferol.

Ochr yn ochr â hyfforddiant sy’n benodol i gemeg, byddwch hefyd yn cael sgiliau mewn rheoli ystafell ddosbarth, technegau asesu, a chefnogi dysgwyr amrywiol. Bydd cefnogaeth mentoriaid yn ystod eich lleoliadau yn sicrhau bod gennych arweiniad wrth i chi ddatblygu eich arddull addysgu.

Erbyn diwedd y cwrs, byddwch yn barod i ysbrydoli myfyrwyr sydd wrth eu bodd â chemeg, gan eu helpu i ddatblygu’r sgiliau gwyddonol sydd eu hangen arnynt ar gyfer y dyfodol.

Mae’r rhaglen yn amlygu pwysigrwydd addysg wyddoniaeth mewn byd cynyddol dechnolegol. Mae cymorth ariannol ar gael drwy fwrsariaethau ac ysgoloriaethau. Mae’r cwrs hwn wedi’i nodi gan Lywodraeth Cymru fel maes pwnc â blaenoriaeth uchel, ac mae bwrsariaethau o £15,000 ar gael.

Mae bwrsariaethau gwerth £15,000 ar gael gan Lywodraeth Cymru mewn meysydd pwnc blaenoriaeth uchel.

Cymhelliant Addysg Gychwynnol Athrawon ar gyfer Pynciau â Blaenoriaeth: canllawiau i fyfyrwyr 2024 i 2025 | LLYW.CYMRU

Mae’r TAR yn rhaglen academaidd a phroffesiynol amser llawn a chynhwysfawr a luniwyd i’ch paratoi am yrfa lwyddiannus yn addysgu. Mae’r rhaglen yn cwmpasu 36 wythnos, gydag oddeutu 12 wythnos o ddarpariaeth yn y brifysgol ac o leiaf 24 wythnos mewn ysgolion.

Cwricwlwm Craidd
Ein cwricwlwm craidd arloesol a achredwyd yn ddiweddar yw asgwrn cefn ein rhaglen Addysg Gychwynnol Athrawon (AGA). Mae’n cynnwys:

Modylau Gorfodol: Mae’r modylau hanfodol hyn yn cwmpasu agweddau sylfaenol ar addysgu ac addysg.
Datblygu Sgiliau Ymchwil: Byddwch yn datblygu sgiliau ymchwil beirniadol sy’n hanfodol ar gyfer arfer adfyfyriol a datblygiad proffesiynol parhaus.
Llwybr Proffesiynol ar gyfer Statws Athro Cymwysedig (SAC): Mae’r llwybr hwn yn sicrhau eich bod yn bodloni’r safonau proffesiynol sy’n ofynnol ar gyfer SAC.
Llwybr Datblygu’r Gymraeg: Byddwch yn gwella’ch gallu i addysgu a chyfathrebu yn y Gymraeg, sgil gwerthfawr yn ein system addysg ddwyieithog.
Pontio: Gweithgareddau sy’n integreiddio damcaniaeth yn ddi-dor â chymhwyso’n ymarferol, gan atgyfnerthu eich profiad dysgu.
Profiadau dewisol: Dewiswch brofiad yn yr ysgol mewn maes o ddiddordeb i ddyfnhau eich arbenigedd a’ch sgiliau ymarferol.
Lleoliad Amgen: Cewch fewnwelediad drwy brofi lleoliadau addysg tu allan i ysgolion traddodiadol, megis amgylcheddau addysg arbennig.
Cylch 1 Astudiaethau Craidd: Y Dysgwr: pwy ydw i'n ei addysgu? (20 credydau)
Arwain y Dysgu: beth, sut a pham ydw i'n addysgu? 1 (30 credydau)
Y Gymraeg mewn Ymarfer Proffesiynol (10 credydau)
Astudiaethau Craidd: Dysgwyr, Ysgolion a Chymunedau: ble ydw i'n addysgu? (30 credydau)
Ymchwilio i'r Dysgu: beth, sut a pham ydw i'n addysgu? (30 credydau)

Mae’r rhaglen yn cynnig 60 credyd ar lefel Meistr a 60 credyd ar lefel Graddedig. Dyfernir y rhain wrth gwblhau asesiadau modwl yn llwyddiannus, sy’n cynnwys:

Astudiaethau achos
Portffolios
Cyflwyniad fideo
Prosiect Ymchwil
Mae pob aseiniad wedi’i gysylltu’n agos ag arfer ac wedi’u dylunio i gynnig cyfle i chi ddatblygu addysgu a dysgu sy’n cael effaith bositif ar blant a phobl ifanc.

To work as a teacher at a state school in England or Wales, you will need to achieve qualified teacher status (QTS). This is offered on this course for the following level:

• Secondary