Cymraeg, Cyfryngau a Chysylltiadau Cyhoeddus (Welsh, Media and Public Relations)

Mae’r BA Cymraeg, Cyfryngau a Chysylltiadau Cyhoeddus yn cyrraedd anghenion myfyrwyr a chyflogwyr yr unfed ganrif ar hugain. Mae ein cysylltiadau o fewn y diwydiant ledled Cymru a Phrydain yn golygu eich bod yn cael y cyfle i gyfarfod a thrafod eich dyfodol gyda rhai o gyflogwyr mwyaf blaenllaw y Deyrnas Unedig. Mae’r BBC, S4C, Llywodraeth Cymru, Cynulliad Cenedlaethol Cymru, Cyfoeth Naturiol Cymru, Cymraeg i Oedolion Gwent, y Coleg Cymraeg Cenedlaethol, Cronfa’r Loteri Fawr a Chyngor Sir Caerfyrddin ymhlith y sefydliadau a’r cwmnïau sy’n cyflogi ein graddedigion

O ran y Gymraeg, mae amrywiaeth eang o fodiwlau y gelli di eu dilyn yn Abertawe. Mae gennym:
fodiwlau iaith, cyfryngau, llenyddiaeth, a bolisi a chyfraith iaith.

O ran y Cyfryngau a Chysylltiadau Cyhoeddus, bydd y cwrs yn dy helpu i ddatblygu dealltwriaeth gref o ddamcaniaethau yn y meysydd hyn. Byddi di hefyd yn datblygu ymwybyddiaeth o ddatblygiadau cyfredol a newidiol a’r effaith y maent yn ei chael ar gymdeithas a’r byd busnes. Byddi’n cael dy ddysgu gan ddarlithwyr sy’n derbyn bri rhyngwladol am eu gwaith ymchwil ac sy’n arwain yn eu meysydd. Mae dau Brifardd ac enillwyr Llyfr y Flwyddyn ymhlith aelodau o staff Adran y Gymraeg. At hyn, mae ein campws dafliad carreg yn unig o’r traeth ac eto i gyd wedi ei leoli mewn dinas fywiog. Yn Abertawe, ceir y gorau o’r ddau fyd!

Bydd eich blwyddyn gyntaf yn cynnwys cymysgedd o fodiwlau gorfodol a dewisol, enghreifftiau o fodiwlau gorfodol o’r blynyddoedd diwethaf gan gynnwys:

• Meistroli’r Iaith
• Cysylltiadau Cyhoeddus: Cyfathrebu Strategol

Bydd eich ail a'ch trydedd flwyddyn yn cynnwys modiwlau cwbl ddewisol. Mae enghreifftiau o fodiwlau dewisol o'r blynyddoedd diwethaf wedi cynnwys:

• Hawliau Laith yn y Cyd-destun Rhyngwladol
• Amlddiwylliannedd a'r Gymraeg
• Y Gymraeg, Datganoli a'r Gyfraith
• Cynllunio Cynhyrchiad Aml-blatfform

Bydd eich blwyddyn olaf yn cynnwys prosiect traethawd hir annibynnol.

Rydym yn cynnig amrywiaeth o ddulliau asesu o fewn ein rhaglenni. Yn ogystal ag arholiadau a thraethodau traddodiadol, mae enghreifftiau o asesu amgen yn cynnwys:
• Podlediadau
• Creu Gwefannau
• Cyflwyniadau Llafar
• Recordio Bwletin
• Creu a Chyflwyno meicrowers
• Adolygiadau Llyfrau