Perfformio

Mae Perfformio yn gwrs cyfrwng Cymraeg unigryw a deinameg a addysgir dros ddwy flynedd. Mae’r cwrs yn ddelfrydol ar gyfer y rheiny sy’n angerddol am Actio, Canu, Cerddoriaeth, Perfformio, Dawns a Theatr Gerddorol. Mae’n cynnig addysg gynhwysfawr yn y meysydd hyn, gan eich paratoi ar gyfer ystod o yrfaoedd yn y celfyddydau perfformio.

Mae’r cwrs wedi’i strwythuro i ddatblygu perfformwyr amlddisgyblaethol a hyderus. Rydym yn chwilio am fyfyrwyr sydd â’r potensial i ragori mewn amrywiaeth o leoliadau, boed yn y theatr, neuaddau cyngerdd, radio neu deledu.

Mae ein cwricwlwm yn uchelgeisiol ac wedi’i gynllunio’n ofalus i sicrhau bod myfyrwyr yn cael profiadau cyfoethog, amserol ac amrywiol. Bydd y dull hwn yn rhoi’r sgiliau sydd eu hangen arnoch ar gyfer cyfleoedd gyrfa lluosog yn y celfyddydau perfformio. Byddwch yn cael eich cyflwyno i ystod eang o sgiliau ymarferol a fydd yn eich helpu i ddod yn berfformiwr amryddawn. Bydd hyn eich galluogi i gyfrannu’n greadigol ac yn hyderus ar draws llawer o wahanol gyd-destunau.

Byddwch yn gweithio’n agos gyda gweithwyr proffesiynol y diwydiant dros ddwy flynedd y cwrs. Bydd hyn eich helpu i ddeall gofynion y diwydiant a’ch paratoi i fanteisio ar yr angen cynyddol am berfformwyr medrus, amryddawn a dibynadwy. Mae’r cwrs yn canolbwyntio ar gydweithio ac ymarfer creadigol, gan eich annog i archwilio arferion arloesol yn eich gwaith perfformio.

Yn ychwanegol i hyfforddiant ymarferol, mae’r cwrs yn cynnwys nifer o gyfleoedd arddangos. Bydd y rhain yn caniatáu i chi gyflwyno’ch gwaith i gynulleidfa ehangach ac adeiladu portffolio proffesiynol. Mae’r cyfuniad hwn o astudio academaidd a phrofiad ymarferol yn sicrhau eich bod wedi’ch paratoi’n dda i weithio ym myd proffesiynol perfformio.

Mae BA Perfformio wedi’i gynllunio i feithrin eich twf fel perfformiwr sy’n hyddysg yn y tueddiadau a’r arferion diweddaraf yn y diwylliant cyfoes. Erbyn diwedd y cwrs, byddwch wedi datblygu’r arbenigedd a’r hyder sydd eu hangen i lwyddo mewn amrywiaeth o yrfaoedd yn ymwneud â pherfformio.

Modules

Blwyddyn 1
Byddwch yn cael eich cyflwyno i ddisgyblaethau craidd Actio, Canu, Cerddoriaeth, Dawns, gan gynnwys Tap, Bale, Jazz, Dawns gyfoes a Theatr Gerddorol. Bydd y ffocws ar adeiladu sylfaen gref o sgiliau ymarferol ac archwilio pob maes i ddatblygu eich hyblygrwydd a’ch hyder.

Gorfodol
Dysgu yn yr Oes Ddigidol (20 credydau)
Ysgogwyr Newid: Adeiladu eich Brand Personol ar gyfer Cyflogaeth Gynaliadwy (20 credydau)
Dosbarth Perfformio (20 credydau)
Actio (20 credydau)
Hyfforddiant Dawns 1 (20 credydau)
Canu 1 (20 credydau)
Labordy Theatr (20 credydau)
Sgiliau Clyweliad (10 credydau)
Actio 2 (20 credyd)

Blwyddyn 2
Mae’r pwyslais yn newid i dechnegau uwch ac integreiddio sgiliau ar draws gwahanol ffurfiau perfformio. Mae’n dod â’r sgiliau a’r dechneg a gafodd eu dysgu mewn dau gynhyrchiad at ei gilydd sy’n rhoi’r cyfle i chi weithio gyda chyfarwyddwr a thîm cynhyrchu proffesiynol gan eich paratoi ar gyfer cyfleoedd gyrfa yn y dyfodol yn y celfyddydau perfformio.

Gorfodol
Prosiect Annibynnol (40 credydau)
Diwydiannau Creadigol (20 credydau)
Hyfforddiant Dawns 2 (20 credydau)
Canu 2 (30 credydau)
Prosiect Cydweithredol (20 credydau)
Cynhyrchiad 1 (30 credydau)
Cynhyrchiad Terfynol (30 credydau)

https://www.uwtsd.ac.uk/programme-courses/undergraduate/performance-dance-and-musical-theatre/perfformio-full-time-full

Perfformiadau/digwyddiadau
Mae myfyrwyr yn cael cyfle yn rheolaidd i gymryd rhan mewn perfformiadau/ digwyddiadau trwy gydol eu gradd, lle gwelwn eu sgiliau a’u gwybodaeth yn cynyddu ac yn cael eu cymhwyso.

Tiwtorialau rheolaidd
Rydym yn cynnal tiwtorialau ffurfiol ac anffurfiol trwy gydol y radd lle mae pob myfyriwr yn trafod ei waith gyda’r tiwtor modwl neu’r Cyfarwyddwr Rhaglen. Edrychwn ar ddatblygiad ymarferol, twf cysyniadol a bwriadau i’r dyfodol.

Cyflwyniadau
Cynhelir cyflwyniadau fel arfer ar ddiwedd modwl, arddangosfa neu berfformiad, er mwyn mesur perfformiad myfyriwr yn erbyn meini prawf asesu.

Gweithlyfrau proses
Bydd myfyrwyr yn cofnodi eu proses a’u gwaith ymarferol mewn gweithlyfr sy’n dangos eu dysgu a’u llwybr unigol.